თბილისის საბავშვო ბაღების სააგენტოს მიერ, გამოცხადებული კონკურსი, რომელიც ახალი ბაღების შენობებისთვის დიზაინის შექმნას ითვალისწინებდა დასრულდა. კონკურსში მონაწილეობა სხვადასხვა არქიტექტურულმა კომპანიამ მიიღო, რომელმაც საკუთარი დიზაინით შექმნილი ბაღების მაკეტი წარმოადგინა. კონკურსის პირობების თანახმად, გამარჯვებულ კომპანიას, დედაქალაქის მთავრობის ბიუჯეტიდან გამოყოფილი თანხით, თბილისში რამდენიმე ახალ საბავშვო ბაღი უნდა აეშენებინა. მას შემდეგ, რაც საკრებულოს უმრავლესობამ დედაქალაქი 2014 წლის ბიუჯეტის გარეშე დატოვა, შესაძლოა სხვა მნიშვნელოვანი პროექტების მსგავსად ახალი ბაღების მშენებლობაც ვეღარ განხორციელდეს. თბილისის მერიას ბიუჯეტში ამ ინიციატივისთვის 10 მილიონი ლარი ქონდა გათვალისწინებული, კონკურსში მონაწილე კომპანიების მიერ, წარმოდგენილი პროექტები დღეს, თბილისის მერის მოვალეობის შემსრულებელმა და საბავშვო ბაღების სააგენტოს ხელმძღვანელმა დაათვალიერეს. დღესვე გამოვლინდა ის გამარჯვებული კომპანია, რომელიც, ბიუჯეტის დამტკიცების შემთხვევაში, საკუთარი დიზაინით შექმნილ საბავშვო ბაღებს აშენებს.