დღეს, 24 იანვარს, თბილისის საკრებულოს სახელდებისა და სიმბოლიკის კომისია თბილისის საერთაშორისო აეროპორტისთვის პირველი პრეზიდენტის, ზვიად გამსახურდიას სახელის მინიჭების საკითხზე საბოლოოდ იმსჯელებს.
პოლიტიკური პარტია "თავისუფალი საქართველოს" ცნობით, აღნიშნული საკითხის განხილვა დედაქალაქის საკრებულოში ოთხჯერ გადაიდო.
თბილისის საერთაშორისო აეროპორტისთვის ზვიად გამსახურდიას სახელის მინიჭებასთან დაკავშირებით პარტია "თავისუფალმა საქართველომ" საკრებულოს რამდენჯერმე მიმართა, მაგრამ როგორც პარტიაში აცხადებენ, ვერც "ნაციონალური მოძრაობის" და ვერც "ქართული ოცნების" პირობებში აღნიშნული საკითხის გადაწყვეტა ვერ მოხერხდა.
