15 იანვარს 14:00 საათზე, „ტოიოტა" ცენტრში (დ. აღმაშენებლის ხეივანი, მე-20 კმ) კომპანია "იმიჯ-ცენტრისა" და "ტოიოტა ცენტრი თბილისის" ორგანიზებით პრესკონფერენცია გაიმართება, სადაც „მის საქართველო 2013"-ის ფინალისტების წარდგენა მოხდება.
როგორც ცნობილია, კომპანია "იმიჯ-ცენტრი" გახლავთ "მის საქართველო"-ს ორგანიზატორი და მსოფლიოში აღიარებული სილამაზის
საერთაშორისო კონკურსების "Miss World"-ის, "Miss Universe"-ის, "Miss Intercontinental"-ის, "Miss Tourism Queen Of The Year International"-ის
და "Miss Tourism International"-ის ოფიციალური და ექსკლუზიური
წარმომადგენელი საქართველოში.
უკვე შერჩეულია 28 გოგონა, რომლებიც აგრძელებენ "მის საქართველო 2013"-ის ტიტულისთვის ბრძოლას.
15 იანვარს "ტოიოტა ცენტრ თბილისში" გაიმართება კონკურსანტების წარდგენა.
წელს გამარჯვებული "მის საქართველო" მთავარ პრიზად მიიღებს ელეგანტურ ავტომობილს, ახალ Toyota RAV4-ს, რომელიც დააწესა კომპანიამ "ტოიოტა ცენტრი თბილისი".
კონკურსანტებს აგრეთვე გადაეცემათ პრიზები ღონისძიების სპონსორებისა და პარტნიორებისაგან.
ფინალისტების ფოტოები განთავსებულია საიტზე www.missgeorgia.ge, სადაც მიმდინარეობს ხმის მიცემა და გამოვლინდება გამარჯვებული ნომინაციაში "მის ინტერნეტი".
პროექტის მოსამზადებელი ეტაპის ფარგლებში დაგეგმილია სხვადასხვა ღონისძიებები. კონკურსანტები ფიზიკურ მომზადებას გადიან სპორტ-კომპლექს "არენა"-ში. მათ ჩაუტარდათ ფოტოგადაღება კიკალა-სტუდიოში.
ფინალისტების გარეგნობაზე ზრუნავს სალონების ქსელი "მელანჟი". მათ ჩაცმულობას უზრუნველყოფენ მოდის სახლი მარიონელა და შუზ-კაფე მადონა ფინალურ შოუზე წარმომადგენლობითი ჟიური გამოავლენს ნომინანტებს და გამარჯვებულ "მის საქართველო 2013'-ს სავარაუდო ნომინაციები:
1. მის საქართველო
2. I-ვიცე მის საქართველო
3. II-ვიცე მის საქართველო
4. III-ვიცე მის საქართველო
5. ვიცე მის საქართველო
6. მის მეგობრობა
7. მის ფოტოგენურობა
8. მის ტელეგენურობა
9. მის ექსტრავაგანტულობა
10. მის მომხიბვლელობა
11. მის ელეგანტურობა
12. მის გრაცია
13. მის ინტერნეტი
14. მის ტალანტი
15. მის ინტელექტი
16. ტოპ-მოდელი
"მის საქართველო 2013"-ს ტიტულის მფლობელი და ტოპ-ხუთეული გაემგზავრებიან სილამაზის სხვადასხვა პრესტიჟულ საერთაშორისო კონკურსებზე.