საზოგადოებრივი მაუწყებლის აჭარის ტელევიზიასა და რადიოში გამოცხადებულ ვაკანსიებზე ამ დროისათვის 15 განაცხადია შესული. განაცხადების შეტანის ვადა დღეს 18:00 საათზე ამოიწურა. როგორც "ჯი-ეიჩ-ენს" საზოგადოებრივი მაუწყებლის აჭარის ტელევიზის და რადიოს ხელმძღვანელმა სოსო სტურუამ განუცხადა, განაცხადების მიღების შემდეგ საბოლოდ გადაწყვეტილებას კომისიას გასდაუბრების შემდეგ მიიღებს. მისვე თქმით, სულ გამოცახდებული იყო 4 ვაკანსია - პროდიუსერის, საინფორმაციო სამსახურის ხელმძღვანელის, პროგრამების სამსახურისა და მთავარი რეჟისორის თანამდებობებზე.
ტელევიზიის საინფორმაციო სამსახურის ხელმძღვანელის თანამდებობისთვის 6 კანდიდატი იბრძოლებს - ირინა ყურუა, მეგი შავლაყაძე, შორენა ღლონტი, ვახო ხუზმიაშვილი, ალეკო ჩუბინიძე და შორენა გოგიჩაიშვილი.
"ჯი-ეიჩ-ენი", ერთ-ერთ კანდიდატს ვახო ხუზმიაშვილს დაუკავშირდა.
"ვფიქრობ, მაქვს საკმარისი გამოცდილება იმისთვის, რომ ვუხელმძღვანელო საინფორმაციო სამსახურს. მით უფრო, რომ წელების განმავლობაში ვიმუშავე სხვადსხვა ტელევზიებში საინფორმაციოს სამსახურის პროდიუსერად. თუმცა მარტო სურვილი არ არის საკმარისი. დაველოდოთ შედეგებს და ვნახოთ რა გადაწყვეტიილებას მიიღებს საკონკუროს კომისია. ყველა კონკურსანტს წარმატებას ვუსურვებ", - აცხადებს ხუზმიაშვილი.
ახალ თანამშრომლებს სპეციალური კომისია შეარჩევს. კომისია ოთხი წევრისგან იქნება დაკომპლექტებული მათი ვინაობა ამ ეტაპზე უცნობია. განაცხადების გადარჩევა 15 იანვარს დასრულდება. 16 იანვარს კი გასაუბრება ჩატარდება.