აჭარაში, სოფელ მაჭახელაში მომხდარი ავარიის შედეგად 80 წლის მამაკაცი დაიღუპა. როგორც ,,ჯი-ეიჩ-ენს" აჭარის საგანგებო სიტუაციების მართვის სამსახურში განუცხადეს ავარიის დროს მანქანაში სამი მგზავრიც იმყოფებოდა თუმცა მათ სიცოცხლეს საფრთხე არ ემუქრება.
,,ხელვაჩაურის რაიონის სოფელ მაჭახელაში გზის სავალი ნაწილიდან ,,ნივის" მარკის ავტომანქანა გადავარდა, სადაც ოთხი მგზავრი იმყოფებოდა. შედეგად 80 წლის მამაკაცი დაიღუპა, დანარჩენი სამი მგზავრის სიცოცხლეს საფრთხე არ ემუქრება. შემთხვევის ადგილზე მობილიზებული იყო სამაშველო, სასწრაფო და საპატრულო პოლიციის წარმომადგენლები", _აცხადებენ აჭარის საგანგებო სიტუაციების მართვის სამსახურში.
