ძველით ახალ წელს - 14 იანვარს, საქართველოს მთელს ტერიტორიაზე თოვლია მოსალოდნელი. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის უფროსმა სვეტა ნიორაძემ განაცხადა თოვა საქართველოს ტერიტორიაზე 13 იანვარს დღის მეორე ნახევარში დაიწყება და 14 ინვარს უფრო გაძლიერდება.
,, 13 იანვარს, დღის მეორე ნახევრიდან დაიწყება ცივი და ნოტიო ჰაერის მასების გავრცელება შავი ზღვის ჩრდილო-დასავლეთიდან და საქართველოს მთელს ტერიტორიაზე იქნება ნალექი უმეტესად თოვლის სახით", _განაცხადა ,,ჯი-ეიჩ-ენთან" საუბარში სვეტა ნიორაძემ.
მისივე განმარტებით, საქართველოში ძლიერი ყინვა მოსალოდნელი არ არის, პირიქით უფრო შესუსტდება.
ნიორაძის განცხადებით, ხვალ, 12 იანვარს საქართველოს მთელს ტერიტორიაზე დაბლობში წვიმა, მთაში კი თოვლია მოსალოდნელი.
,, ხვალ, 12 იანვარს საქართველოს ტერიტორიაზე მოსალოდნელია წვიმა, თუმცა ძლიერ ნალექს არ ველოდებით", _განაცხადა ნიორაძემ.
