მაყალზე მომზადებული მწვადი და ქაბაბი შესაძლოა ადამიანის ჯანმრთელობისათვის მავნე აღმოჩნდეს. როგორც ირანელი მეცნიერები აცხადებენ, ღია ცეცხლზე მომზადებული ხორცი შეიცავს მავნე ნივთიერებებს და ადამიანის ორგანიზმზე ახდენს იგივე გავლენას, როგორც ავტომანქანის გამონაბოლქვი.
მეცნიერ-მკვლევარები აღნიშნულის მიზეზად ტრადიციულ „კვამლს" ასახელებენ, რომელიც კერძს პიკანტურ გემოს სძენს. ირანელი მეცნიერების მიერ ჩატარებული ლაბორატორიული კვლევებისა და პროცესის კომპიუტერული მოდელირებით, დადგინდა პირდაპირი კავშირი მავნე კარცეროგენულ ნივთიერებებთან.
საშიში ნაერთი, რომელსაც შეიცავს კვამლზე მომზადებული ბარბექიუ ადამიანის დნმ-ს მუტაციის ალბათობას 100-ჯერ აძლიერებს, რაც თავის მხრივ კიბოს დაავადების წარმოქმნის მაპროვოცირებელია.
მკვლევარების დასკვნით, მაყალზე, ხის წვისას წარმოქმნილი კვამლის გავლენა ბევრად აღემატება ადამიანის ორგანიზმისთვის ხანგრძლივი დროის განმავლობაში თამბაქოს წვისგან მიყენებულ ზიანს.