ცნობილი საერთაშორისო ექპსერტების პროფესორ ჯორჯიო კროჩისა და ინჟინერი კრისტიანო რუსოს მიერ სვეტიცხოვლის საკათედრო ტაძრის საკონსერვაციო მდგომარეობის წინასწარი კვლევა სრულდება. კვლევების შედეგად მიღებული მონაცემებით შეირჩევა საუკეთესო მეთოდოლოგია მომავლში ინტეგრირებული საკონსერვაციო გეგმის და ადგილზე ფიზიკური სამუშაოების განხორციელებისთვის. სვეტიცხოვლის დიაგნოსტიკა და დოკუმენტაცია, რომელსაც მსოფლიოს მნიშვნელოვანი არქიტექტრული ძეგლების რესტავრატორები მოამზადებენ სვეტიცხოვლის ტაძარში ფიზიკური სამუშაოების დაწყების საფუძველი გახდება.
პიზის კოშკის, კოლოზეუმის, ტრაიანეს ბაზრის, ნერონის სასახლის, ასიზის ბაზილიკის, აია სოფიასა და აქსუმის სტელას საკონსერვაციო სამუშაოების, ავტორ პროფესორ ჯორჯიო კროჩთან და კრისტიანო რუსოსთან ერთად, მცხეთის და უშუალოდ სვეტიცხოვლის სანახავად საქართველოს ამჯერად, იტალიის ძეგლების სარესტავრაციო კომპანიის პრეზიდენტი ატილიო ნავარა ესტუმრა.
რესტავრაციაში იტალიური სკოლის მთავარი პერსონები სვეტიცხოველში 17 დეკემბერს მთელი დღის განმავლობაში იმუშავებენ.
კულტურული მემკვიდრეობის დაცვის ეროვნული სააგენტოს ინფორმაციით, სვეტიცხოვლის ტაძრის კონსერვაციის გეგმის შემუშავება სრულად შეესაბამება მსოფლიო მემკვიდრეობის ცენტრის რეკომენდაციებს (34COM7A.27; 32COM7B.90) და მიჩნეულია, როგორც წინგადადგმული ნაბიჯი მსოფლიო მემკვიდრეობის კომიტეტის მიერ დადგენილი გამოსასწორებელი ზომების შესრულების მიმართულებით.
სვეტიცხოვლის საკათედრო ტაძრის საკონსერვაციო მდგომარეობის წინასწარული კვლევა სტუდიო SPC ეს-პი-სს (s.r.l. Studio Progettazione e Controlli (SPC)) მიერ 2012 წელს დაიწყო. SPC ეს-პი-სი გეოლოგიური და ქვის სტრუქტურის კვლევის დარგში მსოფლიოს ყველაზე მასშატბური და მნიშვნელოვანი პროექტების შემსრულებელია, რაც საქართველოს უძველესი საკათედრო ტაძრის ზუსტი საკონსერვაციო მეთოდოლოგიის განსაზღვისთვის გადამწყვეტ მნიშვნელობას და ტაზრის გადარჩენის გარანტს წარმოადგენს.
