პარლამენტის სხდომების გაცდენისთვის შესაძლოა, სანქციები გამკაცრდეს - განცხადება ამასთან დაკავშირებით "პრაიმტაიმის" პრესკლუბში დღევანდელ პრესკონფერენციაზე უმრავლესობის ერთ-ერთმა ლიდერმა, დეპუტატმა ზურაბ აბაშიძემ გააკეთა.
"ამ თემაზე უმრავლესობაში მუშაობა მიმდინარეობს. დეპუტატების არასაპატიო გაცდენებთან დაკავშირებით პასუხისმგებლობის გამკაცრების საკითხი დღის წესრიგში "ნაციონალური მოძრაობის" წევრების გაცდენების საფუძველზე დადგა. "ნაციონალური მოძრაობა" ადასტურებს, რომ ის არის სრულიად უპასუხისმგებლო ძალა. უმცირესობის წარმომადგენლები საერთოდ არ დადიან საკომიტეტო სხდომებზე, აცდენენ პლენარულ სხდომებს, არანაიარად არ არიან ჩართული საპარლამენტო საქმიანობაში. უმცირესობის წარმომადგენლებისთვის ნამდვილად სულ ერთია თუ სად იქნება პარლამენტი - თბილისში, ქუთაისში, ზუგდიდში, თელავსა თუ ქვეყნის რომელიმე სხვა ქალაქში", - აცხადებს აბაშიძე.
