საქართველოს პრემიერ-მინისტრი ირაკლი ღარიბაშვილი ჭაბუა ამირეჯიბის გარდაცვალების გამო მწუხარებას გამოთქვამს.
"ჩვენგან წავიდა თანამედროვეობის უდიდესი კლასიკოსი, დიდი ქართველი მწერალი და საზოგადო მოღვაწე, სრულიად გამორჩეული ადამიანი - ჭაბუა ამირეჯიბი. ჭაბუა ამირეჯიბის შემოქმედება არა მარტო ქართული მწერლობის, არამედ მსოფლიო ლიტერატურის საგანძურად იქცა. მისი ლიტერატურული სახეები ზოგადსაკაცობრიო მასშტაბისაა და არასდროს დაკარგავს აქტუალობას. ვუსამძიმრებ და თანაგრძნობას ვუცხადებ ჭაბუა ამირეჯიბის ოჯახს. მთელ საქართველოს ვუსამძიმრებ დიდი ერისკაცის გარდაცვალებას", - აღნიშნულია პრემიერ-მინისტრის განცხადებაში.
ქართველი მწერალი ჭაბუა ამირეჯიბი 92 წლის ასაკში გარდაიცვალა.
