არასამთავრობო ორგანიზაცია „ადამიანი, კანონი, თავისუფლების" მიერ განხორციელებული პროექტი „ახალგაზრდული თვითმმართველობები", ფუნქციონირებას დამოუკიდებლად გააგრძელებს. პროექტი სსიპ „ საქართველოს ბავშვთა და ახალგაზრდობის განვითარების ფონდის" დაფინანსებითა და ხელშეწყობით ხორციელდებოდა. ორგანიზაციამ შექმნა მყარი საფუძველი პროექტის დამოუკიდებელ ფაზაზე გადასასვლელად, კერძოდ ამ ეტაპისთვის უკვე სამივე რაიონულ ერთეულში, გორში, მარნეულსა და კასპში ადგილობრივ მუნიციპალიტეტთან კონსოლიდირებულად ფუნქციონირებს ახალგაზრდული საკრებულოები, სადაც გაერთიანებულები არიან მოტივირებული ახალგაზრდები. პროექტის ფარგლებში ახალგაზრდებმა გააცნობიერეს საკუთარი როლის მნიშვნელობა მუნიციპალიტეტის მართვაში. განხორციელდა არაერთი მნიშვნელოვანი ღონისძიება, რამაც საშუალება მისცა ახალგაზრდების მოტივაციის ამაღლებას. პროექტის არსებობამ განაპირობა სამემორანდუმო ხელშეკრულების მომზადება მოქმედ საკრებულოებთან, რაც ითვალისწინებს სამომავლოდ ახალგაზრდული თვითმართველობების დამოუკიდებლად ფუნქციონირებას საკრებულოსთან თანამშრომლობის გზით. შეიქმნა დოკუმენტი, რომელიც ახალგაზრდულ საკრებულოებს სამართლებრივად არსებობის უფლებასა და ფუნქციონალურ მნიშვნელობას ანიჭებს . სამომავლოდ, ორგანიზაცია „ადამიანი, კანონი, თავსუფლება" მსგავსი პროექტის ათ რაიონში განხორციელებას გეგმავს.