იუსტიციის სახლის კიდევ ერთი დროებითი სერვისცენტრი, ვაჟა ფშაველას #1-ში მდებარე ეროვნული არქივის შენობაში განთავსდება. აღნიშნულ დროებით ფილიალში სერვისის მიღების მიზნით საბუთების ჩაბარება დღეს 13:00 საათიდან ქნება შესაძლებელი. ხვალიდან სერვისცენტრი ჩვეულ რეჟიმში 9:00 საათიდან 21:00 საათამდე იმუშავებს. როგორ აღსრულების ეროვნულ ბიუროსა და ჩუბინაშვილის #68 მდებარე დროებით სერვისცენტრებში ახალ სერვისცენტრშიც მომხმარებელს შეეძლება 300-ზე მეტი სერვისი ჩვეულ რეჟიმში მიიღოს და საჭიროების შემთხვევაში დაჩქარებული სერვისებითაც ისარგებლოს.
შეგახსენებთ, რომ სერვისები დაყოფილია ორ ნაწილად - საბუთების ჩაბარება სერვისის მიღების მიზნით და მოგვიანებით მზა დოკუმენტების მიღება.
დოკუმენტაციის ჩაბარება შესაძლებელია:
*აღსრულების ეროვნული ბიურო, დავით აღმაშენებლის ხეივანი, მე-10 კილომეტრი, 9:00საათიდან 21:00 საათამდე;
*იუსტიციის სახლის დროებითი სერვისცენტრი, ჩუბინაშვილის ქუჩა # 68 (თამარ მეფის გამზირისა და ჩუბინაშვილის ქუჩის კვეთაზე), 09:00 საათიდან 21:00 საათამდე;
*ეროვნული არქივი . ვაჟა ფშაველას #1.
მზა დოკუმენტების მიღება შესაძლებელია დედაენის ბაღში არსებული სერვისცენტრიდან 9 საათიდან 21 საათამდე.
საჯარო რეესტრის ძირითადი სერვისების მიღება (საბუთების ჩაბარება და დოკუმენტების მიღება) კვლავაც შესაძლებელია თბილისის ავტორიზებულ ყველა ნოტარიუსთან დალიბერთი ბანკის 27 და საქართველოს ბანკის 10 ფილიალში.