თბილისში საგზაო მოძრაობის მართვის ავტომატიზირებული სისტემის მშენებლობა მიმდინარეობს, რაც სატრანსპორტო ნაკადების პარამეტრების ინფორმაციის შეგროვებას, დამუშავებასა და მათ საფუძველზე მოძრაობის ოპტიმალური რეჟიმებით ნაკადების რეგულირებას უზრუნველყოფს.
თბილისის მერის გიგი უგულავას მიერ სოციალურ ქსელში გავრცელებული ინფორმაციით, ავტომატიზირებული სისტემა ერთიანი მართვის პუნქტიდან იმართება, რომელიც "112"-ის შენობაში მდებარეობს.
ამჟამად მართვის პუნქტიდან ვაკის რაიონში მდებარე 19 შუქნიშანი იმართება. მიმდინარეობს ინტენსიური მუშაობა და წლის ბოლომდე მართვის პუნქტთან მიერთდება საბურთალოსა და დიდუბის რაიონებში არსებული შუქნიშნები.
პროექტის განხორციელებით, აღნიშნულ მონაკვეთებში მნიშვნელოვნად შემცირდება საცობები და ავტო-სატრანსპორტო შემთხვევები.