სათაფლიის ეროვნული ნაკრძალისათვის 3,5 მილიონი დოლარის ღირებულების გრანტი გამოიყოფა. გარემოს დაცვისა და ბუნებრივი რესურსების მინისტრი გოგა ხაჩიძე იმერეთის რეგიონს ეწვია. სათაფლიის სახელმწიფო ნაკრძალში მინისტრმა და "კომპანია" BP - ის გენერალური მენეჯერი ნილ დანმა საგრანტო ხელშეკრულებას მოაწერეს ხელი.
„ეს არის ზღაპარი, რომელიც ერთ წელში რეალობად იქცევა. დარწმუნებული ვარ, რომ სათაფლიის ეროვნული ნაკრძალი მალე ქართული ტურიზმის მარგალიტი იქნება. ჩვენ და კომპანია BP-ი ამისთვის ყველაფერს გავაკეთებთ."-განაცხადა გარემოს დაცვისა და ბუნებრივი რესურსების მინისტრმა გოგა ხაჩიძემ.
შეთანხმების თანახმად სათაფლიის სახელმწიფო ნაკრძალის ინფრასტრუქტურის პროექტის განხორციელებისთვის - ის მიერ 3,5 მილიონი დოლარის ღირებულების გრანტი გამოიყოფა. პროექტის ფარგლებში სათაფლიის სახელმწიფო ნაკრძალის ცენტრალური შესასვლელის, ვიზიტორთა ცენტრის, დინოზავრის ნაკვალევის საკოსერვაციო ნაგებობის, ასევე, მღვიმის სავალი ბილიკისა და საგამოფენო დარბაზის მშენებლობა განხორციელდება. ასევე იგეგმება კოლხურ ტყეში სასეირნო ბილიკებისა და საპიკნიკე ადგილების მოწყობა.
სათაფლიის სახელმწიფო ნაკრძალში ახალი ტურისტული ინფრასტრუქტურის მოწყობა 2010 წლის ბოლოს დასრულდება.
