"2017 წელს რუსეთი ყირიმს დაიპყრობს" _ ასეთ პროგნოზს პარტია "ველიკაია უკრაინას" ლიდერი აკეთებს. იგორ ბერკუტის განცხადებით, 2017 წელს ნახევარკუნძულზე თათრებსა და უკრაინელ სათემოებს შორის კონფლიქტი დაიწყება, მის მოსაგვარებლად კი ყირიმში თურქული, რუმინული და პოლონური შეიარაღებული კონტიგენტი ჩავა.
თათრების სწრაფვას თავიანთი სახელმწიფოს ჩამოყალიბების შესახებ მხარდაჭერას მთელი მსოფლიო გამოუცხადებს, ხოლო უკრაინის მხარეს მხოლოდ რუსეთი დაიკავებს, ისევე, როგორც ეს კოსოვოს შემთხვევაში იყო.
ბერკუტის აზრით, გამოსავალი უკრაინის ტერიტორიული მთლიანობის დაცვის საკითხში რუსეთის შავი ზღვის ფლიტისთვის ვადის გახანგრძლივებაა. მისი თქმით, რუსეთის ბაზა უკრაინის ეროვნულ ინტერესებს პასუხობს, მაგრამ მოსკოვმა მეტი თანხა უნდა გადაიხადოს იჯარაში, რათა ამ სახსრებით უკრაინამ საკუთარი სამხედრო საზღვაო ფლოტის ჩამოყალიბება და გაძლიერება შეძლოს. ბირთვული ტექნოლოგიები კი უკრაინას უცხოური არმიისგან დამოუკიდებელს გახდის, რაც კიევს მისცემს საშუალებას, ახალ გამოწვევებს უპასუხოს და თავისი სახელმწიფოებრიობა დაიცვას.
