რუსეთის თათრეთის რესპუბლიკის ხელმძღვანელმა, რუსტამ მინიხანოვმა, განაცხადა უკრაინული დრონების თავდასხმის შესახებ ელაბუგის რეგიონზე, სადაც რუსები მოიერიშე უპილოტო საფრენი აპარატებს აწარმოებენ.
თათრეთის ხელმძღვანელის თქმით, დრონებისნამსხვრევები ელაბუგის რეგიონში საავტომობილო ქარხნის საკონტროლო-გამშვები პუნქტის შენობას დაეცა და ადგილზე ხანძარი გაჩნდა.
მინიხანოვის განცხადებით, ერთი ადამიანი დაიღუპა და 13 დაშავდა.
როგორც გამოცემა Meduza წერს, სოციალურ ქსელებში გავრცელდა ვიდეო, თათრეთის ალაბუგის სპეციალურ ეკონომიკურ ზონაში გაჩენილი ხანძრის შესახებ.
ვიდეომასალის თანახმად, ხანძარი Aurus-სა და „სოლერსის“ საავტომობილო ქარხნების ტერიტორიაზე გაჩნდა.
ტელეგრამ-არხი Astra აღნიშნავს, რომ ადგილობრივ ჩატებში თათრეთის ალაბუგის ეკონომიკური ზონის მუშები ევაკუაციის შესახებ იუწყებიან.
ელაბუგაში მდებარეობს რუსული სამხედრო „შაჰედის“ ტიპის დრონების მწარმოებელი ქარხანა, რომელიც 2023 წელს ალაბუგის სპეციალურ ეკონომიკურ ზონაში აშენდა.
