ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ირანმა მისი მოკვლა სცადა, როდესაც მის საძინებელს რაკეტა ესროლა. ამის შესახებ მან Fox News-თან ინტერვიუში ისაუბრა.
„მათ რაკეტა პირდაპირ ჩემი საძინებლის ფანჯრის მიმართულებით ისროლეს, - განაცხადა ნეთანიაჰუმ.
მან ასევე დასძინა, რომ ირანი ისრაელსა და შეერთებულ შტატებს ახლო აღმოსავლეთზე კონტროლის დამყარების მთავარ დაბრკოლებებად მიიჩნევს.
„ისრაელი დიდი ხანია მათი მთავარი დაბრკოლებაა. მათთვის კიდევ ერთი დაბრკოლება პრეზიდენტი ტრამპია. ისინი პრეზიდენტ ტრამპს უზარმაზარ საფრთხედ აღიქვამენ. ისინი ისრაელს ძალიან სერიოზულ დაბრკოლებად აღიქვამენ და ორივეს განადგურება სურთ“, - აღნიშნა ისრაელის პრემიერმა.
