უკრაინის ექს-პრემიერმა იულია ტიმოშენკომ, რომელიც შვიდწლიან სასჯელს ხარკოვის კოლონიაში იხდის შიმშილობა გამოაცხადა.
"იულია ტიმოშენკომ 20 აპრილიდან შიმშილობა გამოაცხადა", _ განაცხადა მისმა დამცველმა სერგეოი ვლასენკომ. ეს განცხადება მან ხარკოვის კოლონიის კედლებთან გააკეთა.
ვლასენკოს განცხადებით, ტიმოშენკოს ხელებზე სილურჯეები აქვს და მუცელზე ჰემატომა. მისივე განცხადებით, ეს არის კოლონიიდან საავადმყოფოში მისი ტრანსპორტირების შედეგი.
"მას მთელი ხელები დალურჯებული აქვს და მუცელზე უზარმაზარი ჰემატომა აღებიშნება, მიუხედავად იმისა, რომ ტრანსპორტირებიდან 4 დღეა გასული", _ განაცხადა ვლასენკომ და უარყო ინფორმაცია იმის შესახებ, რომ ტიმოშენკომ სამედიცინო ექსპერტიზაზე უარი განაცხადა.
ვლასენკო ასევე აცხადებს, რომ იულია ტიმოშენკოს შიმშილი არის ტროტესტი ყოველივე იმის წინააღმდეგ რაც ქვეყანაში ხდება და რაც მის თავს ხდება თავისუფლების აღკვეთის ადგილებში. მისივე თქმით, ტიმოშენკო საწოლიდან ვერ დგება და მისი ჰოსპიტალიზება ძალის გამოყენებით მოხდა.
