საქართველოს პრეზიდენტი საერთაშორისო ტურიზმის სასწავლო ცენტრში ღია კარის დღეს დაესწრო. სწავლის მსურველებთან და მიხეილ სააკაშვილთან ერთად ცენტრში სხვადასხვა სასტუმროების გენერალური მენეჯერები იმყოფებოდნენ, რომლებიც რეალურად არიან დაინტერესებული დაასაქმონ ამ სკოლის კუსდამთავრებულები.
ქვეყნის პირველი პირი მათ სამომავლო გეგმებთან დაკავშირებით გაესწაუბრა. პრეზიდენტმა იმ ტურისტულ და ინფრასტრუქტურულ პროექტებზე გაამახვილა ყურადღება, რომლებიც ქვეყანაში უკვე ხორციელდება და რაც, პრეზიდენტის თქმით, კიდევ უფრო ზრდის საქართველოს ტურისტულ პოტენციალს.
ახალი სკოლა 1 აპრილს გაიხსნება, თუმცა განაცხადების მიღება უკვე მიმდინარეობს. დაინტერესებულ პირებს აქ სასტუმროსა და ტურიზმის მენეჯმენტის განხრით სპეციალიზებული კურსის გავლა შეუძლიათ. ტურიზმის ცენტრში სწავლება ამერიკული და ბრიტანული პროგრამებით მიმდინარეობს, ამიტომ, აქ სწავლის მსურველთათვის აუცილებელია ინგლისური ენის ცოდნა.
შესაბამისი კურსის წარმატებით გავლის შემთხვევაში, პროგრამის მონაწილეებს საერთაშორისო დიპლომები და სერთიფიკატებიც გადაეცემათ. კურსდამთაავრებულებს ცენტრის მესვეურები უცხოეთში ანაზღაურებად სტაჟირებასაც სთავაზობენ. ცენტრის კუსრდამთავრებულებს საზღვარგარეთ სწავლის გაგრძელების პერსპექტივაც აქვთ - საბაკალავრო პროგრამებს ისინი ევროპის სხვადასხვა ინსტიტუტებში გაივლიან.
