რუსეთის ფედერაციის საპრეზიდენტო არჩევნები სეპარატისტულ აფხაზეთშიც გაიმართება. ინფორმაციას ამის შესახებ აფხაზური მედია ავრცელებს. მათივე ინფორმაციით, საარჩევნო უბნები აფხაზეთის ყველა ქალაქში - სოხუმში, გაგრაში, ბიჭვინთაში, გუდაუთაში, ოჩამჩირეში, ტყვარჩელსა და გალში გაიხსნება.
საარჩევნო უბნები დილის 08:00 საათზე გაიხსნება და 20:00 საათზე დაიხურება.
"რუსეთის საელჩი აფხაზეთში მაცხოვრებელ ან დროებით ამ ტერიტორიაზე მყოფ რუსეთის მოქალაქეებს მოუწოდებს აქტიური მონაწილეობა მიიღონ ხმის მიცემის პროცედურაში", _ იუწყება აფხაზური მედია.
შეგახსნებთ, რომ რუსეთის საპრეზიდენტო არჩევნები მიმდინარე წლის 4 მარტს გაიმართება.
