შსს სასაზღვრო პოლიციის საგამოძიებო-ოპერატიული მთავარი სამმართველოს რეგიონული დანაყოფების II სამმართველოს (დასავლეთი) ფოთის საგამოძიებო-ოპერატიული განყოფილების თანამშრომლებმა, გატარებული საგამოძიებო-ოპერატიული ღონისძიებების შედეგად, ფოთის პორტში, ოკუპირებულ ტერიტორიების შესახებ დადგენილი წესების დარღვევის ფაქტზე, მეზღვაური, თურქეთის რესპუბლიკის მოქალაქე ადემ ჰუსეინის ძე ბაირი დააკავეს, რომელმაც 2011 წლის 14 ოქტომბერს, თურქეთის დროშით მცურავ გემ "OSMAN HASRETLER"-ის ეკიპაჟის წევრებთან ერთად ჯგუფურად დაარღვია აფხაზეთის საზღვაო რაიონში შესვლის წესები.
აღნიშნულ ფაქტთან დაკავშირებით მიმდინარეობს გამოძიება საქართველოს სისხლის სამართლის კოდექსის 322-ე (პრიმა ერთი) მუხლის II ნაწილის „ა" ქვეპუნქტით.
