დიდი ბრიტანეთის თავდაცვის ყოფილი მინისტრი ლაიმ ფოქსი საქართველოს მმართველობის ოკუპირებულ ტერიტორიებზე გასავრცელებლად მეტ საერთაშორისო ძალისმევას მიიჩნევს საჭიროდ.
"საჭიროა კიდევ უფრო მეტი საერთაშორისო ძალისმევა, რომ საქართველოს ხელისუფლების მმართველობა ოკუპირებულ ტერიტორიებზეც გავრცელდეს", - ეს განცხადება ლაიმ ფოქსმა საქართველოდან გამგზავრების წინ გააკეთა.
საქართველოში ორდღიანი ვიზიტის ფარგლებში ბრიტანეთის თავდაცვის ყოფილმა მინისტრმა და ამჟამად ბრიტანეთის პარლამენტის წევრმა ერგნეთსა და ნიქოზში შეხვედრები გამართა,
ის იმყოფებოდა საოკუპაციო ხაზთან და ადგილზე გაეცნო შექმნილ ვითარებას.
იგი ასევე შეხვდა საქართველოს პრეზიდენტსა და მთავრობის წევრებს. იმყოფებოდა კრწანისის სასწავლო ცენტრსა და ბათუმში.
