საუდის არაბეთის ჰაკერებმა, რომლებიც Anonymous დაჯგუფებაში შედიან, განაცხადეს, რომ მათ შეძლეს ისრაელის 400 ათასი მოქალაქისთვის საკრედიტო ბარათების ნომრები მოეპარათ.
მოპარული მონაცემები, რომელიც შეიცავს ბარათების მოქმედების ვადასა და საიდუმლო ციფრებს საჭიროა ინტერნეტში შეძენილი ნივთების ღირებულების გადასახდელად. ეს მონაცემები ჰაკერებმა სხვადასხვა სიტებზე გამოაქვეყნეს და ყველა მსურველს შესთავაზეს მისი გამოყენება.
ისრაელის ერთ-ერთი საკრედიტო კომპანიაში აცხადებენ, რომ აღნიშნული ინფორმაცია მათთვის ცნობილია და ისინი „აუცილებელ შემოწმებას ატარებენ".
როგორც ცნობილია, საკრედიტო ბარათების უკანონო გამოყენების შემთხვევაში საკრედიტო კომპანიები მათ მფლობელებს ფულად სახსრებს სრული ოდენობით უნაზღაურებენ.
დამოუკიდებელი ექსპერტები აცხადებენ, რომ საუბარია ისრაელის ისტორიაში ერთ-ერთ უდიდეს ქურდობაზე. 30 მეგაბაიტის მოცულობის ტექსტური ფაილი, რომელიც ისრაელის ათასობითმოქალაქის მონაცემებს შეიცავს ინტენეტში „სეირნობს" და ის ხელმისაწვდომია ყველა მსურველისთვის.
გავრცელებული ინფორმაციით, ტექსტურ ფაილებში არა მხოლოდ საკრედიტო ბარათების მონაცემები, არამედ მათი მფლობელების სახელი, გვარი, მისამართი და ტელეფონის ნომრებიცაა მითითებული.
ფაილში მოხვდენე არა მხოლოდ ისრაელში მცხოვრებნი, არამედ მის ფარგლებს გარეთ მყოფნი მათი თანამემამულეებიც.
