სპეციალისტები ალერგიით დაავადებულებს, და არა მარტო მათ, ურჩევენ რომ თუ მათ საახალწლოდ არჩევანი ცოცხალ ნაძვის ხეზე გააკეთეს, ოთახი ხშირად გაანიავონ.
ამერიკელმა სპეციალისტებმა ნაძვის ხის ადამიანის ორგანიზმზე მავნებლობასთან დაკავშირებით კვლევა ჩაატარეს. კვლევის შედეგად დადგინდა, რომ დახურულ სივრცეში ცოცხალი ნაძვის ხე ალერგიით დაავადებულებისთვის სახიფათოა.
კვლევის თანახმად, დახურულ შენობაში მყოფი ცოცხალი ნაძვი პირველ სამი დღე-ღამის განმავლობაში კვადრატულ მეტრზე 800 სპორას გამოყოფს, რაც თითქმის დასაშვებ ნორმას აღწევს. 4 დღის შემდეგ, სპორების რაოდენობა 5000-მდე იზრდება, ასეთი რაოდენობა კი უარყოფითად მოქმედებს ალერგიითა და ასთმით დაავადებულ ადამიანებზე.
ჩატარებული კვლევის თანახმად, წიწვოვანი მცენარის დახურულ შენობაში ყოფნის ხანგრძლივობა 4 დღეს არ უნდა აღემატებოდეს.
აღნიშნული კვლევა ალერგიის, ასთმისა და იმუნოლოგიის კოლეჯის სპეციალისტემა ჩაატარეს.
