ფრაქცია "ერთობა სამართლიანობის" წევრი დიმიტრი ლორთქიფანიძე მომავლ საპარლამენტო არჩევნებისთვის დეპუტატების ნარკოლოგიურ შემოწმებას თმის ღერის საშუალებით მოითხოვს.
როგორც დღეს, პარლამენტის რიგგარეშე სხდომაზე "საარჩევნო კოდექსის" პროექტის ცვლილებების განხილვისას ლორთქფანიძემ აღნიშნა, თმის ღერით საშუალებით ნარკოლოგიურ გამოკვლევის სავლდებულოობას, რომელიც უტყუარ მონაცემებს იძლევა მხარი საქართველო პრეზიდენტმა მიხეილ სააკაშვილმაც დაუჭირა.
"ერთი წლის წინ სააკაშვილმა გითხრათ კიდეც, რომ ოპოზიციის კონსტრუქციულ წინადადებებზე ნუ გაქვს წინააღმდეგობის რეფლექსიო. მაში საუბარი იყო რა მეთოდოლოგიით უნდა ჩატარებულიყო ეს გამოკვლევა. შემიძლია გითხრათ, რომ თმის ღერის საშუალებით ნარკოლოგიური გამოკვლევის ჩასატარებლად სამხარაულის სახელობის ეროვნულ ბიუროს გააჩნია ყველა თანამედროვე ტექნოლოგია", - მიმართა უმრავლესობას ოპოზიციონერმა დეპუტატმა.
მისვე თქმით, 150-იანი დეპუტატის ფარგლებში აღნიშნული გამოკვლევა სახელმწიფოს 11 400 ლარი დაუჯდება.
ამასთან, დეპუტატი აღნიშნავს, რომ ნარკოლოგიური შემოწმება მაჟორიტარი დეპუტატობის კანდიდატებმა წინასწარ, არჩევნების ჩატარებამდე უნდა ჩაიტარონ.
