მონაცემები რაიონების მიხედვით ასეა ნაწილდება: ახმეტის რაიონში შიდსის ვირუსით დაინფიცირების 35 შემთხვევაა რეგისტრირებული; ლაგოდეხში -15; ყვარელში -10; თელავში - 39; გურჯაანში - 16; საგარეჯოში - 1; დედოფლისწყაროში - 1; სიღნაღში -10.
„2010 წლის დეკემბრის მონაცემებით, კახეთის რეგიონში შიდსის ვირუსით დაინფიცირების 17 ახალი შემთხვევა იყო გამოვლენილი. კლება აღინიშნება, როგორც საქართველოში, ისე კახეთის რეგიონში. 2011 წლის 1 დეკემბრის მონაცემებით, კახეთში შიდსით დაინფიცირებული 6 ადამიანი გარდაიცვალა. კახეთის რეგიონში შიდსით სულ 36 ადამიანია გარდაცვლილი, ხოლო საქართველოში ამ დაავადებით 680 ადამიანი გარდაიცვალა", - განუცხადა კახეთის საინფორმაციო ცენტრს ინფექციური პათოლოგიის, შიდსისა და კლინიკური იმუნოლოგიის სამეცნიერო - პრაქტიკული ცენტრის ექიმმა-ეპიდემიოლოგმა ნატალია გარუჩავამ.

მისივე თქმით, 2011 წლის დეკემბრის მონაცემებით, საქართველოში შიდსის ვირუსით დაინფიცირების 389 ახალი შემთხვევაა დაფიქსირებული. გასულ წელს, 403 ახალი შემთხვევა იყო რეგისტრირებული, 2011 წელს კი 72 აივ ინფიცირებულია გამოვლენილი.
საქართველოში აივ ინფექციის პირველი შემთხვევა 1989 წელს დაფიქსირდა. ამჟამად ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკულ ცენტრში 3080 აივ დადებითი პირია რეგისტრირებული.