"ნიუ ჰოსპიტალსის" ოფთალმოლოგიის ეროვნული ცენტრის ბაზაზე გერმანულ მხარესთან ერთდ გაიხსნა ამიერკავკასიის რეფრაქციული ქირურგიის ცენტრი.
კომპანია "კარლ ცაისის" და გერმანიის ეკონომიკური განვითარების ცენტრის წარმომადგენლებმა "ნიუ ჰოსპიტალსს" შესაბამისი სერთიფიკატიც გადასცეს. გერმანიის ეკონომიკური განვითარების ცენტრი ასევე გამოდის ინიციატივით გერმანული სადაზღვევო კომპანიების დაზღვეულები ოფთალმოლოგიური პრობლემებით ამ ცენტრში გამოგზავნონ; რაც პირველი რეალური ნაბიჯია სამედიცინო ტურიზმის განვითარებისთვის, მათ შორის ევროპელი პაციენტი-ტურისტების თვალსაზრისით.
ცენტრის გახსნის ცერემონიალს თბილისის მერი გიგი უგულავა დაესწრო. ქალაქის მერმა ნიუ ჰოსპიტალი დაათვალიერა და სამედიცინო პერსონალს შეხვდა.
