აშშ-ის პრეზიდენტი დონალდ ტრამპი კვლავ იმედოვნებს, რომ უკრაინის საკითხზე რუსეთის პრეზიდენტ ვლადიმირ პუტინთან შეთანხმებას მიაღწევს, თუმცა გაკვირვებულია, რომ ეს ჯერ არ მომხდარა.
ამის შესახებ ტრამპმა ჰააგაში ნატოს სამიტის შემდეგ გამართულ პრესკონფერენციაზე ისაუბრა.
მან კიდევ ერთხელ გაიხსენა პუტინის შეთავაზება ირანთან სიტუაციის დარეგულირებაში დახმარების შესახებ.
„მან რამდენიმე დღის წინ დარეკა და მკითხა: „შემიძლია დაგეხმაროთ?“ მე ვუთხარი, რომ არა, თუ შეგიძლია, შენ რუსეთთან დამეხმარე“, - თქვა ტრამპმა და აღნიშნა, რომ შეერთებული შტატები რამდენიმე კონფლიქტის მოგვარებაშია ჩართული.
ტრამპმა ასევე უპასუხა კითხვას პუტინის ამბიციების შესახებ, რომლებიც უკრაინის ფარგლებს სცდება.
„ეს შესაძლებელია“, - თქვა ტრამპმა.
“ვიცი, რომ შეთანხმების მიღწევა სურს [პუტინს], აქედან გამოსვლა უნდა, ეს არეულობაა მისთვის… მე მას ისეთ ადამიანად მივიჩნევ, რომელიც... მგონი შეცდომაში შეიყვანეს, სინამდვილეში ძალიან გაკვირვებული ვარ, მეგონა, რომ ეს უკვე გადაწყვეტილი გვქონდა [უკრაინაში ცეცხლის შეწყვეტა]. მეგონა, ამას მარტივად მოვაგვარებდით.
მაგრამ მან დამირეკა. მან თქვა, რომ ირანთან ახლოსაა, სურს დაგვეხმაროს შეთანხმების მიღწევაში და მე ვუთხარი: „არა, არა, შენთან, რუსეთთან შეთანხმების მიღწევაში დამეხმარე და ვფიქრობ, ჩვენ ამასაც გავაკეთებთ“, - აღნიშნა მან.
ტრამპმა ხაზგასმით აღნიშნა, რომ პუტინმა ომი უნდა დაასრულოს.
„ვლადიმირ პუტინთან ყველაფერი უფრო რთული აღმოჩნდა. სიმართლე გითხრათ, ზელენსკისთან გარკვეული პრობლემები მქონდა.
ეს სხვა ომებთან შედარებით უფრო რთული აღმოჩნდა, შეხედეთ, ჩვენ ომი 12 დღეში დავასრულეთ“, - აღნიშნა მან.
