"საგულისხმოა, რომ ომის დამთავრების დღიდან ჩვენ 70 ლარით ვეხმარებოდით ომში დაღუპული ოჯახის შვილებს და სანამ ისენი 18 წლის არ შესრულდებიან ჩვენ ვაგრძელებთ ამ პროექტს. დღეს გვაქვს ბედნიერება გამოვაცხადოთ, რომ თანხა 100 ლარამდე გაიზარდა. ფონდი შეეცდება ეს რიცხვი კიდევ გავზარდოთ. ჩვენ გვინდა გამოვაცხადოთ, რომ ვისაც სურვილი ექნება თითო ბავშვზე 100 ლარი გამოყოს თვიურად და წელიწადში 1200 ლარი დაუჯდება. სამი მსურველი უკვე გაჩნდა და იმედი მაქვს ეს რიცხვი გაიზრდება", - აღნიშნა ბურჭულაძემ.
პრესკონფერენციას გაეროს ბავშვთა ფონდის "იუნისეფის" წარმომადგენელი საქართველოში რულანდ მონაში და VTB ბანკის გენერალური დირექტორი არჩილ კონცელიძე ესწრებოდნენ.
"ძალიან მნიშვნელოვანია პაატრა ბურჭულაძის შეხედულება, რომ ბავშვი უნდა გაიზარდოს სახლში და არა ბავშვთა სახლში. კვლევებმას დაადგინეს, რომ ბავშვებზე ბავშვთა სახლებს ცუდი ზეგავლენის მოხდენა შეუძლია. ფიზიკური და განვითარების შეფერხებას იწვევს, ასევე სახელმწიფოსთვის 15-ჯერ უფრო ძვირი ხდება ასეთი სახლების უზრუნველყოფა. "ოჯახი ყველა ბავშვს" ეს არის ჩვენი დევიზი და მიხარია, რომ პაატა ასე კარგად მუშაობს ამ კუთხით", - განაცხადა რულანდ მონაშიმ.
კონსერვატორიის ფოიეში ფონდ "იავნანას" საქმიანობის ამსახველი ფოტომასალა, ქართველი და უცხოელი ვარსკვლავების მიერ გამართული საქველმოქმედო კონცერტების ფრაგმენტები და იმ ოჯახების ფოტოები გამოიფინა, ვისაც შემოსული თანხითა და შემოწირულობებით ფონდმა ბინები შეუძინა და წლების განმავლობაში ეხმარება.
აღსანიშნავია, რომ 3 მარტს ფონდი "იავნანა" დაარსებიდან 8 წელს აღნიშნავს.

შეგახსენებთ, რომ დღეს ფონდ "იავნანას" ეგიდით ქართველი პიანისტი კონცერტს გამართავს, რომელსაც ვახტანგ მაჭავარიანი უდირიჟორებს.

"დღეს იქნება ძალიან დიდი კონცერტი, როგორც იქნა ჩვენი დიდი ლექსო თორაძე ჩამოვიყვანე საქართველოში 10 წელია საქათველოში არ გამოსულა და ძალიან მნიშვნელოვანია ჩვენთვის ეს საღამო. ჩვენთან მიიღო მან მონაწილეობა მადრიდში, სადაც ფონდ იავნანას საქველმოქმედო კონცერტი გვქონდა", - განაცხადა ბურჭულაძემ.

თბილისის სახელმწიფო კონსერვატორიაში კონცერტი 20:00 საათზე მოეწყობა.