„პოლიტიკაში ვერ ვერკვევი. პოლიტიკაში რომ კაცი გადავიდეს უნდა მოწყდეს თავის საქმეს. მე ჩემი საქმე მირჩევნია", - განაცხადა გურამ დოჩანაშვილმა.
მწერალმა „თიბისი გალერეაში" წიგნის პრეზენტაციაზე ბიძინა ივანიშვილისა და მიხეილ სააკაშვილის შესახებ ისაუბრა.
„ბიძინა ივანიშვილი და სააკაშვილი ერთმანეთში არიან გადაჯაჭვულები, ძალიან უხერხულად ვარ, როცა ორივესთან ასე კარგად ვარ. მათგან ბევრი სიკეთე მახსოვს, მაგრამ ამას საზოგადოება ძალიან ცუდად იღებს. ვიცი მათ არავითარი მიზანი არ აქვთ. ისინი სამაგიეროს გადახდას ჩემგან არ ითხოვენ. არავის გაუგია, რომ მე ადამიანს მოვუწოდებდე ამას მიეცი ხმა ან იმას, უბრალოდ, ეს არის მათი დამოკიდებულება ჩემ შემოქმედებასთან, ანუ მკითხველის კეთილგანწყობა მწერალთან. მათ მარტო მე არ ვუყვარვარ, ჰყავთ კიდევ სხვა საყვარელი მწერლები. პირადად მე ძალიან დიდი სიკეთე მახსოვს ბიძინა ივანიშვილისგან, 2001 წელს ძალიან გვიჭირდა ოჯახში და არ ვიცი რა მოგვივიდოდა მაგის გარეშე. მაგრამ ასევე, მიხეილ სააკაშვილზეც შემიძლია გავიხსენო ბევრი სიკეთე. ჩემი ცხოვრების ოცნება იტალიაში წასვლა იყო და მან ჩემ ოჯახთან ერთად გამიშვა. არც შემერგებოდა მარტო რომ წასვულიყავი და ასე კარგად მოიფიქრა", - განაცხადა დოჩანაშვილმა.
ცნობისთვის, მწერალმა ახალ მეშვიდე ტომში ერთ-ერთი თავი ბიძინა ივანიშვილსაც მიუძღვნა. წიგნში დოჩანაშვილს ყველა ის სიკეთე აქვს აღწერილი, რომელიც ბიზნესმენს მისთვის გაუკეთებია.
