შვედი ეკოლოგები გარემოზე ენერგოეკონომიური ნათურების შესაძლო ნეგატიური მოქმედების გამო განგაშს ტეხენ.
ვერცხლისწყლის ნათურები, რომელთა გამოყენება გარემოს გაჯანსაღებისთვის ბოლო დრომდე რევოლუციურ ნაბიჯად მიიჩნეოდა, შესაძლოა, მათი არასწორი უტილიზაციის შემთხვევაში, დამღუპველი აღმოჩნდეს გარემოსთვის - მიიჩნევენ შვედი გარემოსდამცველები.
ვერცხლისწყის გამოყენება შვეიცარიაში 2009 წლიდან აიკრძალა - გამონაკლისი მხოლოდ ენერგოეკონომიურ ნათურებზე გაკეთდა.
შვედი გარემოსდამცველები შიშობენ, რომ ნათურების არასწორი უტილიზაციის შემთხვევაში ზიანი მიადგება არა მარტო ბუნებას, არამედ ნარჩენების გადამამუშავებელი პუნქტების თანამშრომლებს.
"ახალი გამნათებელი ხელსაწყოებიდან მიღებული ეკონომიური სარგებელი, რის გამოც ხდება პოლიტიკოსების მიერ კლიმატის გლობალური ცვლილებების წინააღმდეგ აქტიური ბრძოლის დემონსტრაციის პროპაგანდა, ფაქტობრივად, არც ისე დიდია, უფრო მეტი ასეთი ნათურები შეიძლება უფრო საშიში აღმოჩნდეს ადამიანის ჯანმრთელობისთვის", - განაცხდა ევროკომისრის ყოფილმა მრჩეველმა ეკოლოგიის საკითხებში მინა გილბერგმა.
მას ვერცხლისწყლის გადამუშავების სისტემის შეფერხების პირობებში ენერგოეკონომიური ნათურების სარგებლობა ეეჭვება.
"თავდაპირველად ათასწლეულებს ვხარჯავთ, რათა გავათავისუფლოთ შვედეთი ვერცხლისწყლისგან, შემდგომ კი აბსოლუტურად უკონტროლოდ ხელახლა ვავრცელებთ. ეს ხომ აბსურდია?!" - განაცხადა გილბერგმა.
