ახმეტაში 2 წლის გოგონამ წნევის წამალი დალია. გოგონა თელავის ბავშვთა ჯანმრთელობის ცენტრში მოათავსეს. ამჟამად მის სიცოცხლეს საფრთხე აღარ ემუქრება.
„ბავშვი საავადმყოფოში ინტოქსიკაციით შემოიყვანეს. მას წნევის წამალი ჰქონდა მიღებული. არტერიული წნევა თითქმის დაცემული ჰქონდა და ძილში იყო წასული. სასწრაფოდ ჩაუტარდა პირველადი სამედიცინო დახმარება, კუჭის ამორეცხვა და გადასხმები. რამდენიმე საათის შემდეგ ბავშვი მდგომარეობიდან გამოვიდა და მისი ჯანმრთელობის მდგომარეობა სტაბილურია," - განუცხადა კახეთის საინფორმაციო ცენტრს თელავის ბავშვთა ჯანმრთელობის ცენტრის დირექტორმა თამილა თეიმურაზაშვილმა.
