370 ათას პენსიონერთან ერთად დაზღვევას 250 ათასი 0-დან 5 წლამდე ასაკის ბავშვი მიიღებს, - ამის შესახებ მთავრობის სხდომაზე საქართველოს პერმიერ-მინისტრმა ნიკა გილაურმა განაცხადა. მისი თქმით, როგორც გილაურმა განაცხადა, ცვლილება, 2012 წლის ბიუჯეტის პროექტში შედის და გაზრდილი ბიუჯეტის პროექტი განსახილველად პარლამენტს უახლოეს დღეებში წარედგინება.
პრემიერის განმარტებით, პენსიების გაზრდა და სადაზღვევო ვაუჩერების გაცემა, რომელსაც მთავრობამ პირობითად საბაზისო ვაუჩერი უწოდა, 2012 წლის პირველი სექტემბრიდან გაიცემა და საბაზისო ვაუჩერის მოცულობა დაახლოებით 15 ლარი იქნება, თუმცა როგორც გილაურმა განმარტა, ეს თანხა, შესაძლოა, კიდევ შემცირდეს, რადგან საბოლოო თანხა თუ რამდენით დაიზღვევიან პენსიონერები ტენდერის შემდეგ გახდება ცნობილი.
პრემიერის განმარტებ8ით, მთლიანბაში პენსია, რომელიც მოიცავ ასვე სადაზრვევო ვაუჩერსაც 140 ლარი იქნება, საიდანაც 125 ლარი იქნება პენსია პლუს საპენიო დანამატი.
"ვაუჩერი მოიცავს ბევრ სერვისს, მათ შორის, 20-პროცენტიან თანადაფინანსებას ოპერაციებთან მიმართებაში ულიმიტოდ. ეს არის ერთ-ერთი საუკეთესო პაკეტი, რომელი ჩვენ სადაზღვევო კომპანიებთან ერთად შევიმუშავებთ. ჯანდაცვისა და სადაზღვევო სექტორები ვითარდება, მაგრამ პრობლემა იყო და კლავ რჩება ხანდაზმულ ადამიანებთან მიმართებაში", - განაცხადა პრემიერმა.
გილაურის განმარტებით, სადაზღვევო ბაზარს უჭირდა ხანდაზმული ადამიანების ინდივიდუალური დაზღვევა, თუმცა, როცა საქმე მივიდა ჯგუფურ დაზღვევაზე, სადაზღვევო ბიზნესი აღნიშნული რისკებისთვის მზადაა.
გილაურის განმარტებით, ოდნავ შეცვლილი იქნება 0-დან 5 წლამდე ბავშვების დაზღვევა, რომლის ღირებულებაც პენსიონერების საბაზისო ვაუჩერთან შედარებით ოდნავ იაფი იქნება.
