"რესპუბლიკური პარტიის" ლიდერ დავით უსუფაშვილის განცხადებით, იმ შემთხვევაში თუ სააკაშვილის გუნდი ხელისუფლებაში დარჩა, ნატო-ში გაწევრიანება შეუძლებელი გახდება.
"საქართველოს ნატო-ში გაწევრიანება ქართველი ხალხის სურვილია. ძალიან მნიშვნელოვანია, რომ ეს იყოს საქართველოს გაწევრიანება ნატო-ში და არა სააკაშვილის საპროპაგანდო მანქანისთვის მორიგი რაიმე საფუძველი. ძალიან მნიშვნელოვანია ეს პროცესი დავინახოთ დემოკრატიული გარდაქმნების ფონზე", - განაცხადა უსუფაშვილმა.
შეგახსენებთ, რომ დღეს ოპოზიციური პარტიის ლიდერებმა და არასამთავრობო ორგანიზაციების წარმომადგენლებმა ნატო-ე ელჩებთან სასტუმრო "რადისონში" შეხვედრა გამართეს.
