აშშ-ის ფედერალურმა საგამოძიებო ბიურომ გამოაქვეყნა 2010 წელს ქვეყნიდან გაძევებული რუსი ჯაშუშების საქმის ათობით დოკუმენტი, ფოტო და ვიდეოჩანაწერი. გამოქვეყნებული მასალები ჯაშუშების გამოაშკარავებას უკავშირდება.
ბი-ბი-სის ცნობით, მასალები ფედერალური საგამოძიებო ბიუროს საიტზე ასოშეიტედ პრესის ჟურნალისტების მოთხოვნის საფუძველზე გამოქვეყნდა. ჟურნალისტების მოთხოვნა თავის მხრივ ეყრდნობოდა კანონს ინფორმაციის თავისუფლების შესახებ.
გამოქვეყნებული მასალები ოპერაციაზე - „მოჩვენებების ისტორია" მიღებულ იქნა რუსეთის აგენტებისადმი 10 წლიანი თვალთვალის საფუძველზე.
„გასულ წელს ათი რუსი ჯაშუშის დაკავება გვახსენებს, რომ ჯაშუშობა აშშ-ის მიწაზე ცივი ომის დასულების შემდეგ არ გამქრალა", - ნათქვამია გამოქვეყნებული მასალების წინასიტყვაობაში.
შეგახსენებთ, რომ 2010 წლის ივნისში აშშ-ის ხელისუფლებამ რუსეთის ათ ჯაშუში დააკავა. მოგვიანებით ვაშინგტონმა რუსი ჯაშუშები ოთხ ამერიკელში გაცვალა, რომლებიც რუსეთში აშშ-ის სასარგებლო ჯაშუშობისათვის სასჯელს იხდიდნენ.
