"ნებისმერ კომერციულ ბანკს, რომელიც ფლობს ინფორმაციას არალეგალურ ბრუნვასთან დაკავშირებით, ასეთ შემთხვევაში მან სამართალდამცავებს უნდა აცნობოს, თუმცა „საქართველოს ბანკი" საეჭვოდ იკავებს თავს აღნიშნული ინფორმაციის გამოქვეყნებისგან" - აცხადებს "ჯი-ეიჩ-ენთან" საუბარში ექსპერტი.

ნარმანია აცხადებს, რომ საქართველოში კომერციული ბანკების ზედამხედველობის ფუნქცია ეროვნულ ბანკს გააჩნია.ზედამხედველობა კი გულისხმობს უშუალოდ ადგილზე დაკვირვებას კომერციული ბანკების საქმიანობის, ან დისტანციურად ზედამხედველობას.

"როცა ბანკი წინა პერიოდში არ ყოფილა შემჩნეული ფულის გათეთრებასთან დაკავშირებულ საკითხებში და როცა ეს ყველაფერი საეჭვოდ დაემთხვა მისი მფლობელის პოლიტიკურ გააქტიურებას, ბუნებრივია ჩნდება კითხვები, ეს ყველაფერი პოლიტიკური სარჩულიდან გამომდინარეობს, თუ მართლაც ქონდა ადგილი არალეგალური ფულის მოძრაობას. რა თქმა უნდა სებ-მა და საგამოძიებო ორგანოებმა უნდა გამოიკვლიონ და დადონ შესაბამისი დასკვნა. ვიდრე ეს დასკვნა არ იქნება დადებული, საბოლოო კომენტარის გაკეთების საშუალება არ გვეძლევა"- განუცხადა „ჯი-ეიჩ-ენს" დავით ნარმანიამ.

ექსპერტი აცხადებს, რომ როდესაც ფული გამოდის კომერციული ბანკიდან ის შეუძლებელია იყოს გასათეთრებ;ელი ფული.

"თუ ფულს თან ახლდა დოკუმენტაცია და დასტურდება, რომ ეს ფული იყო კონკრეტული კომერციული ბანკის, მაშინ შეუძლებელია ის არალეგალურად მოძრავი ფული იყოს", - განმარტავს ნარმანია.

ექსპერტი მიიჩნევს, თუ ეროვნული ბანკის ზედამხედველობის სამსახურს ეს აქამდე არ შეუმჩნევია, რომელიც საკმაოდ გამართულად მუშაობს, ჩნდება საფუძვლენი ეჭვები.

შეგახსენებთ, რომ განსაკუთრებით დიდი ოდენობით ფულის გათეთრების ბრალდებით რამდენიმე პირი დააკავეს. "ქართუ ბანკის" ინკასაციის მანქანა ძალოვნებმა "საქართველოს ბანკის" სათავო ოფისთან დააკავეს.

დღეს კი სებ-მა საგანგებო განცხადება გაავრცელა, რომელშიც ნათქვამია, რომ სებ-ის მიერ ბანკის კონტროლი და ზედამხედველობა რამდენჯერმე განხორციელდა.

სებ-ის ერთ-ერთი ამოცანა ქვეყანაში ჯანსაღი ფინანსური გარემოს უზრუნველყოფაა. ამ ამოცანის შესასრულებლად კი ეროვნული ბანკი კომერციული ბანკების ეფექტურ ზედამხედველობას ანხორციელებს. კანონმდებლობის თანახმად, საბანკო ზედამხედველობა კომერციული ბანკების დისტანციური და ადგილზე შემოწმების მეთოდით მიმდინარეობს. შემოწმებების ინტენსივობა განისაზღვრება როგორც ბანკის რისკის პროფილის, ასევე წარმოქმნილი განსაკუთრებული ვითარებების გათვალისწინებით.
"ბოლო პერიოდში სს „ბანკი ქართუს" - თან მიმართებაში რამდენიმე ასეთ მნიშვნელოვან ფაქტს ჰქონდა ადგილი, კერძოდ:
საკუთარი განცხადების საფუძველზე თანამდებობები დატოვეს სამეთვალყურეო საბჭოს თავმჯდომარემ, გენერალურმა დირექტორმა და დირექტორის მოადგილეებმა.
გარდა ამისა, დეტალურ შესწავლას საჭიროებს 18 ოქტომბერს სს. „ბანკ ქართუში" მომხდარი ფაქტი, რომელთან დაკავშირებითაც საქართველოს სსკ-ის 194-ე მუხლის მესამე ნაწილით (განსაკუთრებით დიდი ოდენობით ფულის გათეთრება) აღძრულია სისხლის სამართლის საქმე.
შესაბამისად, ეროვნულმა ბანკმა, როგორც საბანკო სექტორის რეგულატორმა, და ქვეყანაში ფინანსური სტაბილურობის გარანტმა, მიიღო გადაწყვეტილება ადგილზე, დეტალური შესწავლის გზით შეაფასოს სს „ბანკ ქართუში" შექმნილი ვითარება, პასუხი მიიღოს ყველა წარმოქმნილ შეკითხვაზე და მიღებული შედეგების საფუძველზე განსაზღვროს ბანკის სამომავლო ზედამხედველობის სტრატეგია" ნათქვამია სებ-ის მიერ გავრცელებულ პრესრელიზში.