21 ოქტომბერს, 17:00 საათზე, ქუთაისში გაიხსნა გამოფენა "იტალია საქართველოში: ათასწლოვანი დიალოგი", რომელიც მარტში დიდი წარმატებით ჩატარდა თბილისში და ეძღვნებოდა იტალიის გაერთიანების 150 წლისთავს. ამასთან დაკავშირებით, პრესკონფერენცია ჩატარდება 21 ოქტომბერს, 12:30 საათზე ქ. ქუთაისის მერიის "თეთრ დარბაზში".
გამოფენა საქართველოში იტალიური ენის მეთერთმეტე კვირეულის პროგრამის ნაწილია.
მისი ორგანიზატორები არიან იტალიის საელჩო საქართველოში, საქართველოს თეატრის, კინოს, მუსიკისა და ქორეოგრაფიის სახელმწიფო მუზეუმი, ქ. ქუთაისის მერია და ქ. ქუთაისის დავით კაკაბაძის სახელობის სახვითი ხელოვნების გალერეა.
გამოფენაზე წარმოდგენილია საქართველოს თეატრის, კინოს, მუსიკისა და ქორეოგრაფიის სახელმწიფო მუზეუმში დაცული ექსპონატები, რომლებიც ადასტურებს საქართველოში იტალიელების არსებობას.
"ჩვენ ძალიან გვინდოდა ამ მნიშვნელოვანი ღონისძიების ჩატარება ქუთაისში, ძირძველი ისტორიისა და იტალიასთან მჭიდრო კავშირის მქონე ქალაქში. ვისურვებდი, რომ გამოფენას, რომელიც კულტურული თვალსაზრისით, ურთიერთგამდიდრების საწინადრია, თავისი წვლილი შეეტანოს ამ კავშირის გაძლიერებაში", - განაცხადა იტალიის ელჩმა, ფედერიკა ფავიმ.
გამოფენა გაგრძელდება 2011 წლის 31 ოქტომბრამდე.
