ფონიჭალაში ნანგრევებიდან ამ დროისთვის სამი ცხედარია ამოსვენებული. ამის შესახებ საგანგებო სიტუაციების მართვის სამსახურის უფროსმა, თემურ მღებრიშვილმა განაცხადა.
მისივე თქმით, სამი ცხედრიდან ორი ქალბატონი და ერთი მცირეწლოვანია.
თეიმურაზ მღებრიშვილის განცხადებით, სავარაუდოდ, გარდაცვლილია 3 წლის ბავშვის დედა. მისივე თქმით, 3 წლის თაია ნანგრევებში მოყოლილებს შორის ჯერჯერობით ერთადერთი გადარჩენილია.
„ამ დროისთვის ნანგრევებიდან 1 ბავშვისა და 2 ქალის ცხედარია ამოსვენებული... ერთ-ერთი, სავარაუდოდ, 3 წლის თაიას მშობელი უნდა იყოს. სამი ადამიანი რჩება, რომელზეც მიმდინარეობს ძებნა“, - აღნიშნა თეიმურაზ მღებრიშვილმა.
როგორც მღებრიშვილმა აღნიშნა, მიმდინარეობს სამი პირის სამძებრო-სამაშველო სამუშაოები.
ცნობისთვის, მანამდე მაშველებმა ნანგრევებიდან მცირეწლოვანი გოგონა ამოიყვანეს. როგორც ინგოროყვას კლინიკაში განაცხადეს, გოგონას ჯანმრთელობის მდგომარეობა დამაკმაყოფილებელია.
ფონიჭალაში, საცხოვრებელ კორპუსში დღეს გაზის აფეთქებას ნგრევა მოჰყვა. უბედური შემთხვევის შედეგად დაშავებული ოთხი ადამიანი კლინიკებშია გადაყვანილი, ხოლო სამის სამძებრო-სამაშველო ღონისძებები მიმდინარეობს.