აშშ-ის პრეზიდენტმა დონალდ ტრამპმა განაცხადა, რომ შეერთებული შტატები ირანზე სამხედრო თავდასხმას 3 ნოემბერს დაგეგმილ კონგრესის შუალედურ არჩევნებამდე არ განახორციელებს.

ტრამპის თქმით, აშშ ირანთან „შედეგიან მოლაპარაკებებს“ აწარმოებს. ამის შესახებ მან სოციალურ ქსელ Truth Social-ზე დაწერა.

„ჩვენ ირანის ისლამურ რესპუბლიკასთან შედეგიან მოლაპარაკებებს ვაწარმოებთ. მინდა, ყველასთვის მკაფიოდ განვაცხადო, რომ, მიუხედავად იმისა, რომ ირანი ეკონომიკური და სამხედრო თვალსაზრისით ძალიან მძიმე მდგომარეობაშია და მიუხედავად იმისა, რომ ბლოკადა სრულად დარჩება ძალაში, ჰორმუზის სრუტეში ნავთობი რეკორდული რაოდენობით მიედინება - მხოლოდ წუხელ 22 მილიონი ბარელი, და არც ერთი ბარელი არ ყოფილა ირანიდან და არც ირანის მიმართულებით - ჩვენ აშშ-ში 3 ნოემბერს დაგეგმილ შუალედურ არჩევნებამდე ირანს თავს არ დავესხმებით.

ირანს ბირთვული იარაღი არ ექნება!"-  წერს ტრამპი.

ტრამპის განცხადება მას შემდეგ გავრცელდა, რაც The Atlantic-მა გაავრცელა ინფორმაცია, რომ პენტაგონი ირანზე შესაძლო დარტყმის ვარიანტებს ამზადებდა.

მანამდე The Wall Street Journal-ზე დაყრდნობით გავრცელდა ინფორმაცია, რომ ტრამპი ირანის დაბომბვის განახლებას შუალედური არჩევნების შემდეგ გეგმავდა.