აშშ-ის პრეზიდენტის, დონალდ ტრამპის განცხადებით, ამერიკელ ოფიციალურ პირებსა და ირანის წარმომადგენლებს შორის კონტაქტი შუამავლების მეშვეობით შედგა.
ტრამპმა აღნიშნა, რომ ვაშინგტონი ირანთან კონფლიქტის დასრულების საკითხზე კომუნიკაციას აგრძელებს. მისი თქმით, აშშ ომში გამარჯვებას მალე შეძლებს.
„ჩვენ გავიმარჯვებთ. მიმაჩნია, ეს ამა თუ იმ გზით მაინც მოხდება. ეს საკმაოდ სწრაფად მოხდება“, - განაცხადა ტრამპმა.
მისი განცხადება მას შემდეგ გაკეთდა, რაც საერთაშორისო მედიამ გაავრცელა ინფორმაცია, რომ აშშ-სა და ირანს შორის არაპირდაპირი მოლაპარაკებების გაგრძელებაზე შუამავლები მუშაობენ. AP-ის ცნობით, მოლაპარაკებების მიზანი საბრძოლო მოქმედებების დასრულებისა და ჰორმუზის სრუტეში ნაოსნობის აღდგენის შესახებ შეთანხმების მიღწევაა.
