აშშ-ის პრეზიდენტს, დონალდ ტრამპს, ჯერ არ გადაუწყვეტია, მიიწვევს თუ არა რუსეთის პრეზიდენტ ვლადიმირ პუტინს მაიამიში დაგეგმილ „დიდი ოცეულის“ (G20) სამიტზე.
ამის შესახებ ტრამპმა ჟურნალისტების კითხვაზე საპასუხოდ განაცხადა.
„ამაზე ჯერ არ მიფიქრია“, – თქვა ტრამპმა.
G20-ის სამიტი მაიამიში 2026 წლის 14-15 დეკემბერს გაიმართება. აშშ-ის ადმინისტრაციამ განაცხადა, რომ „დიდი ოცეულის“ ყველა წევრი მიწვეული იქნება მინისტერიალებსა და ლიდერთა სამიტზე, თუმცა ტრამპს პუტინის შესაძლო მონაწილეობასთან დაკავშირებით საჯაროდ განსხვავებული პოზიციები ჰქონდა.
ტრამპი და პუტინი ბოლოს ალასკაზე, ანკორიჯის სამიტზე შეხვდნენ. ამის შემდეგ პრეზიდენტები ერთმანეთს ტელეფონითაც ეკონტაქტებოდნენ.
