გასულ ღამეს რუსეთის მიერ უკრაინის რამდენიმე ქალაქზე მიტანილ იერიშებს ვოლოდიმირ ზელენსკი ეხმიანება. უკრაინის პრეზიდენტის თქმით, საჰაერო თავდასხმები განხორციელდა ქალაქ ოდესაზე, ობუხივსა და ბორისპილის რაიონებზე, ნიკოპოლზე, ხერსონზე, სუმიზე, ზაპოროჟიესა და ხმელნიცკზე.
"ოდესაში, სასწრაფო დახმარების ბრიგადები საცხოვრებელ კორპუსზე დრონის დარტყმის ადგილზე მუშაობას აგრძელებენ. მე-10-დან მე-17 სართულამდე დაზიანებულ შენობაში 17 ადამიანი დაშავდა, მათ შორის სამი ბავშვი
ასევე გრძელდება მუშაობა ობუხივის და ბორისპოლის რაიონებში დარტყმების შედეგების აღმოსაფხვრელად. სახელმწიფო საგანგებო სიტუაციების სამსახურის საჭირო რაოდენობის მაშველები ებრძვიან ხანძარს ფარმაცევტული კომპანიის საწყობში. ასევე დარტყმები განხორციელდა ნიკოპოლში, ხერსონში, სუმში, ზაპოროჟიესა და ხმელნიცკში. საერთო ჯამში, მხოლოდ გასულ ღამეს 13 რეგიონი დაზარალდა.
მრავალ ქალაქსა და თემში, რუსული რეაქტიული დრონების თავდასხმების საფრთხის გამო, საჰაერო თავდასხმის შესახებ განგაში პრაქტიკულად არ წყდება. მტერი არ წასულა შვებულებაში - რუსებმა იპოვეს ესკალაციის ახალი გზა და არ აპირებენ შენელებას. ჩვენ გვჭირდება უფრო ძლიერი რეაგირება, მეტი კონტრზომები და უფრო სწრაფი თავდაცვის წარმოება ევროპასთან ერთად - უპირველეს ყოვლისა, საჰაერო თავდაცვა რაკეტებისა და დრონების წინააღმდეგ. ევროპას შეუძლია იყოს თვითკმარი და ძლიერი - ბოლო წლებში ამ მიმართულებით ბევრი რამ გაკეთდა - და მხოლოდ ამ გზით შეუძლია მას საკუთარი თავის და ცხოვრების წესის დაცვა. ყოველდღიურად ვმუშაობთ ჩვენს პარტნიორებთან ერთად თავდაცვის ახალ პაკეტებზე. მადლობა ყველას, ვინც ჩვენი საერთო თავდაცვისთვის მუშაობს. მადლობა ყველას, ვინც უკრაინას ეხმარება", - წერს ზელენსკი.
