აშშ-ს პრეზიდენტმა დონალდ ტრამპმა „დიდი ოცეულის“ (G20) შეხვედრაზე რუსეთის ფინანსთა მინისტრის, ანტონ სილუანოვის, დასწრებასთან დაკავშირებით განაცხადა, რომ ვაშინგტონს „ყველასთან კარგი ურთიერთობა სურს“.

ამის შესახებ ტრამპმა თეთრი სახლში ჟურნალისტებს განუცხადა.

ჟურნალისტის შეკითხვაზე, რატომ მიიწვიეს რუსი წარმომადგენლები სამიტზე, ტრამპმა უპასუხა, რომ მას ყველასთან კარგი ურთიერთობა მოსწონს.

 „ჩვენ გვიყვარს ყველასთან კარგი ურთიერთობა. ჩემი წარმატების ერთ-ერთი მიზეზი ის არის, რომ ყველასთან კარგი ურთიერთობა მაქვს“, - თქვა მან.

The New York Times-ის ინფორმაციით, სილუანოვის მოულოდნელმა მონაწილეობამ G20-ის შეხვედრის დასაწყისში დაძაბულობა გამოიწვია.

ეს იყო პირველი შემთხვევა, როდესაც რუსი მინისტრი უკრაინაში რუსეთის სრულმასშტაბიანი შეჭრის დაწყების, 2022 წლის შემდეგ, G20-ის ასეთ შეხვედრას პირადად დაესწრო.

ევროპელმა მოკავშირეებმა აშშ-ის გადაწყვეტილება, სილუანოვი შეხვედრაზე მიეწვია, გააკრიტიკეს. გერმანიის ვიცე-კანცლერმა ლარს კლინგბაილმა რუსეთის ფინანსთა მინისტრი უკრაინის წინააღმდეგ აგრესიის გამო საჯაროდ დაგმო და უკმაყოფილება გამოთქვა აშშ-ის პოზიციის გამო, რომელმაც ასეთი სტუმრის მიღება დაუშვა.