ფინეთის პრეზიდენტმა ალექსანდერ სტუბმა ეჭვი გამოთქვა, რომ რუსეთი „მსოფლიოში ყველაზე ძლიერ სამხედრო ალიანსზე - ნატო-ზე“ თავდასხმას გეგმავს.
ამის შესახებ სტუბმა ამის გერმანულ გამოცემა Bild-თან ინტერვიუში განაცხადა
„არ მჯერა, რომ რუსეთს ოდესმე მოუნდება მსოფლიოში ყველაზე ძლიერ სამხედრო ალიანსზე - ნატო-ზე თავდასხმა“, - თქვა მან.
გერმანიის თავდაცვის სამინისტროსა და შეიარაღებული ძალების გაფრთხილებაზე, რომ კრემლის ლიდერს, ვლადიმირ პუტინს, შესაძლოა, 2029 წლამდე ნატო-ს ტერიტორიაზე თავდასხმის შესაძლებლობა ჰქონდეს, სტუბმა უპასუხა: „ამის დამადასტურებელ არც მტკიცებულებებს და არც ფაქტებს ვხედავ“.
მისი თქმით, მას „არ სჯერა, რომ რუსეთს ოდესმე მოუნდება მსოფლიოში ყველაზე ძლიერ სამხედრო ალიანსზე, ნატოზე, თავდასხმა“.
სტუბმა საკუთარი პოზიცია განმარტა: „მე არ ვამბობ, რომ მოდუნდით. ყოველთვის უნდა მოემზადოთ ყველაზე უარესი სცენარისთვის, რათა ის თავიდან აიცილოთ“.
„პირველ რიგში, მე მაქვს სადაზვერვო მონაცემები. მეორეც, ჩვენ გვაქვს შეკავების მექანიზმი და ეს მექანიზმი უფრო ძლიერია, ვიდრე მსოფლიოს ნებისმიერი სხვა სამხედრო ძალის. ის დაფუძნებულია ჩვეულებრივ შეიარაღებაზე, რაკეტებსა და ბირთვულ იარაღზე. მსოფლიოს არც ერთ სახელმწიფოს არ აქვს აზრი, გამოცადოს ამ ალიანსის სიმტკიცე“,- - თქვა მან..
სტუბმა განმარტა, რომ რუსეთის „საინფორმაციო ომის“ მიზანი ევროპაში შიშის გავრცელებაა: „რუსეთს სურს, რომ ჩვენ, ევროპელებო, აქ ვისხდეთ და ვიმსჯელოთ: მოახდენს თუ არა რუსეთი ესკალაციას? გამოიყენებს თუ არა რუსეთი ბირთვულ იარაღს? დაესხმება თუ არა რუსეთი ნატო-სა და ევროპას?“ - აღნიშნა სტუბმა.
მისი თქმით, სინამდვილეში რუსეთს ომის ესკალაცია მხოლოდ ერთი გზით შეუძლია.
„ამჟამად რუსეთის შესაძლებლობები ომის ესკალაციისთვის საკმაოდ შეზღუდულია. ერთადერთი, რითაც რუსეთს სიტუაციის კიდევ უფრო გამწვავება შეუძლია, მობილიზაციაა. ჩემი აზრით კი, მობილიზაციას რუსეთში შიდაპოლიტიკური შედეგები მოჰყვება“, - განაცხადა მან..
მიუხედავად ამისა, ფინეთის პრეზიდენტი რუსეთში შემოდგომაზე მობილიზაციას მოსალოდნელად მიიჩნევს.
„თუ გადავხედავთ კანონებს, რომლებსაც ისინი ახლა იღებენ - არსებითად, საუბარია საზღვრების ჩაკეტვასა და გადაადგილების თავისუფლების შეზღუდვაზე - ეს სწორედ ამის მანიშნებელია. სიმართლე ისაა, რომ ამ ტემპით ისინი საკუთარ სამხედრო ძალისხმევას დიდხანს ვერ შეინარჩუნებენ“, - აღნიშნა სტუბმა.
სტუბის ინფორმაციით, რუსეთის არმია ყოველთვიურად 30 000-დან 35 000-მდე ჯარისკაცს კარგავს, მაშინ როცა მობილიზაციის შედეგად მხოლოდ 27 000 ახალწვეულის გაწვევა ხდება.
„შესაბამისად, მათ სულ უფრო ნაკლები ჯარისკაცი რჩებათ და მდგომარეობაც სულ უფრო რთულდება“, - ამბობს სტუბი. მისი თქმით, ეს კიდევ ერთ ქვეყანაზე რუსეთის თავდასხმას უკიდურესად ნაკლებად სავარაუდოს ხდის.
„ის, რომ მათ ახლა მოულოდნელად შეძლონ ძალების მობილიზება ორ ფრონტზე საბრძოლველად - ამას უბრალოდ ვერ ვხედავ“, - თქვა მან.
რუსეთში არსებული ეკონომიკური და სამხედრო პრობლემების მიუხედავად, ალექსანდერ სტუბი არ მიიჩნევს, რომ პუტინი დანებდება.
„არ მჯერა, რომ რუსეთი ეკონომიკური ვარდნის გამო ამ ომს შეწყვეტს. არასდროს უნდა დაგვავიწყდეს, რამდენ ეკონომიკურ სირთულეს უძლებენ რუსები. არც ინფლაცია, არც საბანკო კრიზისი და არც საპროცენტო განაკვეთების დონე ომს ვერ დაასრულებს - ისევე, როგორც რუსი ჯარისკაცების დიდი დანაკარგები. ბოლო წვეთი, რომელმაც შესაძლოა მოთმინების ფიალას აავსოს, იქნება განცდა, რომ ამჟამინდელი რეჟიმი საფრთხის ქვეშა“, - განაცხადა სტუბმა.
მისი აზრით, „კრემლი უკვე ახლა რთულ მდგომარეობაშია“.
