უკრაინულმა FP-1 ტიპის დრონებმა რუსეთის იაროსლავლის ნავთობგადამამუშავებელ ქარხანა „სლავნეფტ-იანოსზე“ იერიში მიიტანეს. ამის შესახებ ადრონების მწარმოებელმა კომპანია Fire Point-მა განაცხადა. იუწყება უკრაინული მედია.
საუბარია რუსეთის ერთ-ერთ უდიდეს ნავთობგადამამუშავებელ ქარხანაზე. საწარმო იაროსლავლში მდებარეობს და 1961 წლიდან მუშაობს. მისი ნავთობის გადამუშავების სიმძლავრე წლიურად დაახლოებით 15 მილიონ ტონას შეადგენს. ქარხანა აწარმოებს ბენზინს, დიზელის საწვავს, საავიაციო ნავთსა და სხვა ნავთობპროდუქტებს.
საწარმოში აწარმოებენ საავტომობილო ბენზინს, დიზელის საწვავს, საავიაციო ნავთს და რეაქტიული ძრავებისთვის განკუთვნილ საწვავს, ასევე საპოხ მასალებს, ბიტუმს, გათხევადებულ აირებსა და სხვა პროდუქტებს.
რუსეთის ხელისუფლება იაროსლავლის ოლქში დრონების თავდასხმების შესახებ მანამდეც არაერთხელ იტყობინებოდა, თუმცა ნავთობგადამამუშავებელი ქარხნის დაზიანებას ოფიციალურად არ ადასტურებდა. უკრაინული და რუსული არხების ინფორმაციით, საწარმო 2026 წელს თავდასხმების სამიზნე არაერთხელ გამხდარა.
