ცენტრალური სადაზვერვო სააგენტოს დირექტორი ჯონ რეტკლიფის რუსეთში ჩასვლის მიზეზი, ამერიკული მხარის მიერ უკრაინის წინააღმდეგ ომისთვის რუსეთის შესაძლო სამხედრო მობილიზაციის ადრეული მზადების შესახებ სადაზვერვო მონაცემების მოიპოვება გახდა.
ამის აშესახებ The Wall Street Journal წერს.
გამოცემის ინფორმაციით, აშშ-მა მოიპოვა სადაზვერვო მონაცემები, რომლებიც მიუთითებს, რომ რუსეთი უკრაინის წინააღმდეგ ომისთვის შესაძლო სამხედრო მობილიზაციის ადრეული ეტაპის მზადებასა და NATO-ს სიმტკიცის გამოცდის გეგმებზე მუშაობს.
ანალიტიკოსების შეფასებით, რეტკლიფი სავარაუდოდ, ვლადიმირ პუტინს შეხვდა, რათა მისთვის გაფრთხილება გადაეცა.
რეტკლიფის ვიზიტის შესახებ პირველად CBS-მა გაავრცელა ინფორმაცია. მისი ვიზიტის შესახებ ცნობა მას შემდეგ გავრცელდა, რაც მოსკოვის აეროპორტში აშშ-ის სამხედრო-საჰაერო ძალების სატრანსპორტო თვითმფრინავი Boeing C-17A Globemaster III, ასევე ამერიკელი დიპლომატების კოლონა შენიშნეს.
მოგვიანებით ცნობილი გახდა, რომ ამერიკულმა მხარემ უკრაინას აშშ-ის დელეგაციის ვიზიტის პერიოდში რუსეთის ტერიტორიაზე დარტყმებისგან თავის შეკავება სთხოვა.
ცენტრალური სადაზვერვო სააგენტოს დირექტორი ბოლოს რუსეთს 2021 წლის ნოემბერში ეწვია. მაშინ უილიამ ბერნსი მოსკოვში ჩავიდა, რათა კრემლი უმაღლეს დონეზე გაეფრთხილებინა, რომ აშშ-ისთვის ცნობილი იყო უკრაინაში მასშტაბური შეჭრისთვის რუსეთის მზადების შესახებ.
