რუსეთ-საქართველოს საზღვარი გასულ კვირაში, ზემო ლარსის საკონტროლო-გამშვები პუნქტი 113 ათასზე მეტმა ადამიანმა გადაკვეთა. ამის შესახებ ჩრდილოეთ ოსეთის ხელმძღვანელის პრესსამსახურში განაცხადეს.
მათივე ცნობით, გასული ერთი კვირის განმავლობაში, ზემო ლარსის საკონტროლო-გამშვები პუნქტი 33 000-ზე მეტმა სატრანსპორტო საშუალებამ გაიარა.
გასულ კვირას რუსეთის ფედერალურმა საბაჟო სამსახურმა ზემო ლარსზე მგზავრთა რეკორდული ნაკადის შესახებ განაცხადა, რომ ერთ დღე-ღამეში გამშვები პუნქტი 20 ათასზე მეტმა მგზავრმა გაიარა. მანამდე, 15 და 16 აგვისტოს, პუნქტზე ყოველდღიურად 19 ათასზე მეტი ადამიანი გადიოდა.
