ფინეთის პრეზიდენტმა ალექსანდერ სტუბმა განმარტა, რატომ არ ჩადიან კიევში აშშ-ის პრეზიდენტ დონალდ ტრამპის წარმომადგენლები - ჯარედ კუშნერი და სტივ უიტკოფი.
უკერაინული მედიის ცნობით, ამის შესახებ სტუბმა კიევში, „უკრაინა და ჩრდილოეთ-ბალტიის რვიანის ქვეყნების“ სამიტის შემდეგ გამართულ პრესკონფერენციაზე განაცხადა.
სტუბის თქმით, მისი მთავარი პრინციპია, მაქსიმალურად მჭიდროდ ითანამშრომლოს დონალდ ტრამპის ადმინისტრაციასთან. მისი შეფასებით, ამჟამად კუშნერისა და უიტკოფის ყურადღების მნიშვნელოვანი ნაწილი ირანზე და იქ არსებული პრობლემის მოგვარებაზეა მიმართული, თუმცა ისინი უკრაინასა და მის ხელისუფლებასთანაც მუდმივ კონტაქტზე არიან.
„თუ სწორად მესმის მათი პოზიცია, ყურადღების მნიშვნელოვანი ნაწილი ირანსა და იქ არსებული პრობლემის მოგვარების გზების ძიებაზეა მიმართული, თუმცა ორი მთავარი მომლაპარაკებელი - სტივ უიტკოფი და ჯარედ კუშნერი, ასევე მუდმივ კონტაქტზე არიან უკრაინასა და უკრაინის ხელისუფლებასთან. ჩემი შეფასებით, ბურთი უკრაინის მხარეს არ არის. ბურთი დიდწილად რუსეთის მხარესაა“, - ხაზი გაუსვა სტუბმა.
სტუბმა აღნიშნა, რომ „ბურთი უკრაინის მოედანზე არ არის — ის დიდწილად რუსეთის მხარესაა“. მისი თქმით, სწორედ რუსეთმა უნდა აჩვენოს მშვიდობის დამყარების სურვილი, თუმცა ამას ამ ეტაპზე არ აკეთებს.
„ამერიკელები არც მოსკოვში და არც კიევში არ ჩავლენ, თუ არ იგრძნობენ, რომ რაღაცის მიღწევის შესაძლებლობა არსებობს“, - განაცხადა სტუბმა.
