გერმანიის საგარეო საქმეთა მინისტრმა იოჰან ვადეფულმა რუსეთის საგარეო საქმეთა მინისტრ სერგეი ლავროვის მუქარას იმ ქვეყნების მიმართ, რომლებიც უკრაინას დახმარებას უწევენ, „აბსურდული პროპაგანდა“ უწოდა. ამის შესახებ მან გაზეთ Süddeutsche Zeitung-თან ინტერვიუში განაცხადა.
„რუსეთში წარუმატებელი აგრესიული ომის შედეგად სულ უფრო მძაფრად იგრძნობა ეკონომიკური და სოციალური შედეგები, ამიტომ კრემლი მუქარითა და დეზინფორმაციით ცდილობს, ზეწოლა მოახდინოს უკრაინის მოკავშირეებზე“, - განაცხადა ვადეფულმა.
მისივე თქმით, „ყველაზე აბსურდული პროპაგანდაც კი“ ვერ შეცვლის იმ მდგრადობას, რომელსაც უკრაინა რუსეთის აგრესიის წინააღმდეგ საერთაშორისო მხარდაჭერის წყალობით ფლობს.
ცოტავ ხნის წინ რუსეთის საგარეო საქმეთა მინისტრმა სერგეი ლავროვმა განაცხადა, რომ მოსკოვი გაამკაცრებს მეთოდებს, რათა „გაანადგუროს ყველაფერი, რაც დასავლეთის მხრიდან კიევის სამხედრო მანქანას ამარაგებს“.
