ირაკლი კობახიძე, მიხეილ ყაველაშვილი ღალატობენ ჩვენი ქვეყნის ინტერესებს - ამის შესახებ „კოალიცია ცვლილებისთვის“ ერთ-ერთმა ლიდერმა, თენგო თევზაძემ "ქართული ოცნების" ლიდერების მიერ რუსეთ-საქართველოს ომის მე-18 წლისთავზე, მუხათგვერდის სასაფლაოზე გაკეთებულ განცხადებების შეფასებისას აღნიშნა.
"ის, რომ საქართველომ დაიწყო ომი - ამაზე აპელირება და ვინც არ უნდა ყოფილიყო ხელისუფლებაში და იმ ხელისუფლებისთვის დაბრალება, ეს არის ჩვენი ქვეყნის ინრტერესის ღალატი. მთელი საერთაშორისო საზოგადოება, ყველა შეთანხმებულია იმასთან დაკავშირებით, თუ ვინ დაიწყო და როდის დაიწყო ომი. გიშინ, 7 აგვისტოს ვნახეთ ჩვენი პარტნიორების განცხადებები და ომთან დაკავშირებით მათი პოზიცია. ამიტომ ის ტყუილი და პროპაგანდისტული ხერხი, რასაც "ქართული ოცნება" იყენებს, მათ შორის მტკიცებულებად მოაქვს რეზოლუცია, ეს არ არის სიმართლე - ისინი ცდილობენ, ტყუილი აქციონ რეალობად"- განუცხადა თევზაძემ "ტვ პირველეს" .
